Gipamugos sa Presidential Communications Office nga transparent ang Office of the President bahin sa mga travel authority ug gasto sa opisyal nga mga biyahe sa mga opisyal sa gobyerno.
Matud ni Palace Press Officer Undersecretary Claire Castro, dugay nang naghatag og impormasyon ang Malacañang bahin sa mga foreign trip, official visit ug working visit sa Presidente.
Gipahayag kini ni Castro human nanawagan ang Office of the Vice President nga ipahibalo sa publiko ang tanang travel authority nga gi-isyu sa Malacañang, lakip ang mga gasto ug pondo nga gigamit.
Sumala kang Castro, wala gitago sa Office of the President ang mga rekord sa gasto ug kompleto ang mga resibo niini, nga gi-report usab ngadto sa Commission on Audit o COA. (riza budlao)
