Gisaway ni Brell Lacerna, ang National Spokesperson sa College Editors Guild of the Philippines (CEGP), ang duol nang ipatuman nga dagkong proyekto sa data center ubos sa administrasyong Marcos.
Gipahayag sa tinun-an nga ang pagduso sa gobyerno ug sa pipila ka opisyal sa proyektong Pax Silica, nagpakita sa ilang kapakyasan sa paghatag sa prayoridad sa matuod nga panginahanglan sa katawhan, ilabe kanila nga mga batan-on.
Dugang pa niini nga ang padayong pagtaas sa singil sa kuryente ug tubig nagbunga kini sa pakigkonsabo sa mga dako ug pribadong kumpanya tali sa mga korap nga kartel ug opisyal sa gobyerno.
Gipamugos usab ni Lacerna nga ang lakang nagtumong lamang sa pagpanalipod ug pagpadako sa pondo ug dinastiya sa pamilyang Marcos inay nga mu-alagod alang sa katawhang Pilipino.
Una niini, gisalikway sa ilang grupo ang pagpahumot sa Administrasyon ni Marcos sa Amerika tungod kay wala nila huna-hunaa ang nagsaka nga kalisud sa mga pit-os nga pamilya ug mga tinun-an nga posibleng mahimong kolateral nga damyos sa itukod nga AI-Hub.
