Giingon ni House lead prosecutor ug Batangas Rep. Gerville Luistro nga importante ang testimonya ni Lemuel Ortonio tungod kay giingong nagpalig-on kini sa mga alegasyon sa iregularidad sa pag-request, pag-release, paggamit ug liquidation sa confidential funds.
Matod ni Luistro, gikumpirma ni Ortonio ang mga isyu sa pagproseso sa pondo subay sa Joint Circular No. 2015-01, lakip ang P250 milyon nga gi-request sa Office of the Vice President niadtong Agosto 22, 2022 nga walay kauban nga computation, projection ug Physical and Financial Plan o PFP.
Matud pa niya, halos usa ka bulan human sa request pa naaprobahan ug napasa ang PFP, samtang nagtugma usab ang testimonya ni Ortonio ug kanhi special disbursing officer Gina Acosta nga ang ilang mga aksyon may kalabotan sa pondo gibase sa sugo sa head of agency. (riza budlao)
