Gikuha na sa Estados Unidos ang Syria sa listahan sa State Sponsors of Terrorism human kini nagpabilin sa maong listahan sulod sa hapit 47 ka tuig, sukad 1979.
Matod ni US Secretary of State Marco Rubio, ang maong lakang nag-ila sa mga positibong aksyon ug dugang nga commitment sa gobyerno sa Syria ubos ni President Ahmed al-Sharaa aron hingpit nga mopalayo sa internasyonal nga terorismo.
Gibawi usab sa US ang terrorist designation batok sa Hay’at Tahrir al-Sham (HTS), nga kaniadto nailhan isip al-Nusrah Front, diin kaniadto affiliate usab sa al-Qaeda sa Syria.
Matod ni US Treasury Secretary Scott Bessent, ang maong desisyon makatabang sa pagdani og dugang pamuhunan sa Syria ug pagpalambo sa politikal ug ekonomikanhong kalig-on sa nasod.
