Giawhag ni Presidente Ferdinand R. Marcos Jr., ang mga langyaw nga mamumuhunan nga magpatuman og malungtarong mga pamuhunan sa Pilipinas pinaagi sa Luzon Economic Corridor (LEC), nga gitumong sa pagpalig-on sa posisyon sa nasud isip usa ka estratehikong sentro sa pamuhunan.
Sa iyang pakigpulong sa LEC Investment Forum sa Grand Hyatt Manila sa Bonifacio Global City, Taguig City, iyang giawhag ang mga kompanya nga magtukod og malungtarong operasyon, mobalhin og kahibalo sa teknolohiya, mopalambo sa talento sa mga Pilipino, ug makigtambayayong sa lokal nga mga suppliers sa nasud.
Matud ni Marcos, ang gobyerno nagtinguha nga maghatag og lig-on nga palibot sa negosyo, mas maayong imprastraktura, hanas nga mga trabahante, ug padayong mga reporma aron masuportahan ang malungtarong mga pamuhunan. (raniel mahunyag)
