Gitugutan sa unom ka bulan nga maka pamasada ang mga bag-ong Green GSM EV Taxi sa syudad sa Cagayan de Oro aron matestingan ug maayo ang ilang mga biyahe.
Giklaro ni Cagayan de Oro Road and Traffic Administration Head Doy Ramiro nga dili masulayan ang bag-ong ruta kon walay sakay nga pasahero ang maong mga taxi.
Gipasabot usab sa maong opisyal nga kinahanglan pa nga tarongon ang teknikalidad sa ilang mga sakayan ug mapa aron dili maglibog ang mga sumasakay sa ilahang mga adtoan.
Samtang gihuptan niini ang pahat nga permiso gikan sa Land Transportation Franchising and Regulatory Board o LTFRB, nangita usab og maayong paagi ang lokal nga goberno aron dili maapektohan ang ubang mga drayber sa syudad
