Cabrera wala mahadlok nga makasuhan human mitestigo pabor prosekusyon

Gipamugos ni forensic financial analyst Atty. Alex Cabrera nga wala siya mahadlok human gibasa ni Defense Counsel Atty. Kristine Ferrer ang probisyon mahitungod sa silot tungod sa paglapas sa confidentiality rules bahin sa mga dokumento nga gipa-subpoena.

Gipagawas niya ang pahayag isip tubag sa pagpangutana ni Ferrer kung gikabalaka ba ni Cabrera ang pagdawat sa mga dokumento gikan sa Anti-Money Laundering Council (AMLC) nga walay pagtugot gikan sa senate impeachment court.

Matud ni Cabrera, wala siya nabalaka bahin sa maong hisgutanan tungod kay nakalatid man sa Republic Act No. 3019 o Anti-Graft and Corruption Practices Act ang paghatag og pagtugot sa pagsusi sa mga bank deposit sa usa ka opisyal kung adunay imbestigasyon bahin sa alegasyon sa unexplained wealth. (raniel mahunyag)