Gipasalig ni Presidente Ferdinand Marcos Jr. nga ang Pax Silica initiative dili makadaot sa mga komunidad ug sensitibo sa mga hisgutanang pangkultura ug pagtuo, ilabi na sa mga lubnganan sa yutang kabilin nga posibleng maapektuhan sa proyekto.
Giingon sa presidente nga kabahin kini sa diskusyon ug dili tugotan nga masakripisyo ang mga interes sa mga residente.
Ang proyekto gilauman nga makahatag sa gatus- ka-libo nga trabaho ug magpalig-on sa papel sa Pilipinas sa semiconductor ug artificial intelligence supply chain.
Gipahibalo usab sa Bases Conversion and Development Authority nga gisumite na sa Malacañang ang legal framework alang sa 1,620-hectare advanced manufacturing park sa New Clark City.
Gipunting sa presidente nga ang gobyerno sensitibo sa displacement ug livelihood concerns ug dili kini mahimong hulga sa mga lokal nga komunidad.
