Supportado sa Philippine National Police ang panawagan ni Presidente Ferdinand Marcos Jr nga magdaginot sa tubig samtang nag-atubang ang nasud sa dakung hulga sa Super El Nino.
Miingon si PCol. Allen Rae Co, hepe sa Public Information Office nga gimando ni DILG Secretary Jonvic Remullla kang PNP Chief Jose Melencio Nartatez Jr nga kinahanglan suportahan ilang organisasyon ang inisyatibo ug mupakanaug sa direktiba sa tanan istasyon ug kampo sa kapulisan nga mulusad sa praktikal nga paagi sa pagdaginot ug pagtigom sa tubig.
Kini langkoban sa rainwater harvesting, pag-ayo sa mga adunay leakage nga gripo ug tubo, ug episyenteng paggamit sa tubig.
Giingon ni Co nga ang kapulisan nagpatuman na sa mga lakang sa resource efficiency aron mahimong modelo sa komunidad sa hustong paggamit sa tubig.
Gawas niini, PNP milunsad sa public awareness campaigns aron masabtan sa katawhan ang kahinungdanon sa water conservation ug household food resilience
