Gibutyag ni Philippine Drug Enforcement (PDEA) Agency Assistant Secretary Renato Gumban ang pipila ka mga persons of interest mahitungod sa eroplanong gikan sa Malaysia nga dunay kargang drug shipment nga nakumpiska sa mga otoridad sa nasud sa Laos.
Lakip niini si Captain Boyet Toledo, Policewoman Aileen Mendoza, Sultan Rimbang ug operations manager nga si Christian Fabrigas.
Matud ni Gumban, duna nay matud pa nahitabong transaksyon sa salapi bahin sa maong operasyon sa eroplano sa wala pa kini makumpiska sa Laos.
Dugtong niini, duha ka semana bag-o ang maong insidente, nakadawat na ang PDEA og mga impormasyon gikan sa Malaysia bahin sa duha ka shipment. Sa kasamtangan, padayon pa gihapon ang imbestigasyon ug mamahimo pang madugangan ang ihap sa mga person of interest. (raniel mahunyag)
