Ipatawag ni Presidente Ferdinand Marcos Jr. si Chinese Ambassador Jing Quan tungod sa gipagawas niining pahayag nga modaug ang nasud sa Tsina sa isyu sa West Philippine Sea kung mogamit kini og pwersa batok sa Pilipinas.
Matud ni Marcos, ang gipagawas nga pahayag ni Quan kay dili alang sa diplomasya, apan pagpanghulga kini ug gusto niyang mangayo og katin-awan gikan sa embahador bahin sa maong pahayag.
Dugtong niini, gikondena usab sa Department of Foreign Affairs (DFA) ang maong pahayag nga matud pa nagpasabot sa paggamit og pwersa nga dili makatabang taliwala sa komplikadong relasyon sa duha ka nasud. (raniel mahunyag)
