Dako ang paglaom sa Moro Consensus Group sa gikatakdang pagconvene sa unang gipili nga Bangsamoro Autonomous Region in Muslim Mindanao Parliament karong Oktubre 30.
Gitin-aw ni Chairman Drieza Lininding nga mas magdala kini og kalamboan pinaagi sa pagtukod og mga koalisyon ug saktong pagbahinay sa gahum sa pagdumala.
Gawas pa niini, gipadayag sa lider nga makatabang usab ang presensya sa 18 ka mga representante gikan sa Lanao del Sur aron mas madungog ang tingog sa mga Maranao.
Tungod niini, gipanawagan sa grupo ang panag-usa sa tanang myembro sa parlamento aron makab-ot ang malungtarong kalinaw sa tibuok rehiyon.
