Giaghat sa hepe sa Public Information Office sa Philippine National Police (PNP) nga si PCol.Allen Rae Co ang publiko nga isumbong sa mga tag-as nga opisyal sa ahensya ang bisan unsang reklamo batok sa mga kapulisan nga dili gaaksyon sa ilang mga gidangop nga mga reklamo.
Matud ni Co, kung adunay gidangop nga problema o gihangyo ang publiko nga tabang sa pinakaduol nga police station, apan wala kini gipansin sa mga kapulisan nga nadestino didto, mamahimo kini nilang idangop ug ipahibalo ngadto sa mga tag-as nga opsiyal ug sakto nga otoridad.
Dugang ni Co, mamahimong ipaabot sa publiko ang ilang reklamo batok sa mga kapulisan ngadto sa Office of the Provincial Director, Office of the Regional Director, Office of the Office of PNP ug National Police Commission (NAPOLCOM). (raniel mahunyag)
