Human sa impresibong kadaugan ni Pinay Tennis Star Alex Eala batok kang French player Diane Parry sa straight sets nga 6-3, 6-1, nangandam na kini aron idominar ang Round of 16 sa Ningbo Open sa China.
Ning adlawa, makatigi ni Eala si Diana Shnaider, nga taga Russia. Siya ang ika-6 nga seed sa tornero. Unang napildi ni Shnaider si Kazakhstan star player Yulia Putintseva sa iskor nga 7-5, 7-6(4).
Kini mao ang unang higayon nga mag-atbang sila ni Shnaider sa propesyonal nga lebel, nga nagdugang sa interes sa ilang dula. Kung makadaog si Eala, makasulod siya sa quarterfinals diin iyang atubangon ang modaog sa laing Round of 16 nga duwa tali nila Iva Jovic ug Jasmine Paolini.
Una nang gibutyag sa mga analista nga ang pag-agbat ni Eala ug Shnaider maoy labing bug-at nga hagit sa iyang karera tungod sa kusog nga kampanya ni Shnaider sa mga bag-ong WTA tournaments sa China.
