Personal nga nahimamat ni United States Special Envoy Steve Witkoff si Russian President Vladimir Putin.
Tumong sa ilang pagtagbo ang tinguha nga makahisgot sa peace talks tali sa Russia ug Ukraine.
Target sa nagpataliwala nga nasud nga himoon ang pulong sa Abu Dhabi, sa United Arab Emirates.
Tumong sa dayalogo ang pagtukod sa sistema sa seguridad alang sa duha ka nasud human sa gubat.
Una niini ang pakigpulong mahimong magsugod sa o human sa Nobyembre 10, sumala sa Kremlin, ug mao kini ang unang US-mediated nga panaghisgot sukad sa miaging Pebrero.
Sa wala pa ang miting, gipagawas sa Russia si Stephen Hubbard, usa ka retiradong Amerikanong magtutudlo, isip maayong pagpakita sa kabubut-on atol sa negosasyon.
Si Steve Witkoff usab nakigkita una kang Volodymyr Zelenskyy ug mga lider sa Europa sa Oslo diin gipresentar sa Ukraine ang bag-ong mga sugyot alang sa proseso sa kalinaw.
Bisan pa niini, giingon sa aide sa Kremlin nga si Yuri Ushakov nga adunay mga bahin sa mga sugyot nga wala pa makatagbaw sa Russia, nagpamatuod nga aduna gihapoy dakong kalainan sa posisyon sa duha.
