Nadeklarar nga drug-cleared ang lima ka bag-ong mga barangay sa Rehiyon 10 samtang miabot sa 12.91 percent ang kinatibuk-ang drug affectation sa tibuok rehiyon subay sa pinakabag-ong datus sa ahensya.
Gipadayag ni PDEA Region 10 Regional Director Alex Tablate nga ang Cagayan de Oro ang nag-una sa pinakataas nga affectation nga anaa sa 55 percent, gisundan sa Iligan City nga may 52 percent, Misamis Oriental nga may 16 percent, Bukidnon nga may 14 percent, Lanao del Norte nga may 7 percent, ug Misamis Occidental nga anaa sa 5 percent.
Gumikan niini, gipatin-aw sa opisyal nga magpadayon gihapon ang mga anti-drug operations sa mga lugar nga nadeklarar na nga drug-cleared aron mapanalipdan ang status sa matag komunidad.
Samtang, nagpabilin nga nagpa-igmat ang mga otoridad sa pagbantay sa matag barangay aron maseguro nga dili na mobalik ang hulga sa iligal nga droga sa tibuok rehiyon.
