Giduso sa parliament sa United Kingdom ang lakang nga pagpadala og Royal Air Force Typhoon aircraft aron matabangan ang pagdepensa sa nasud nga Saudi Arabia.
Sa nakuhang impormasyon gikan sa mga opisyal sa UK Ministry of Defence, gipadayag nga nalakip usab sa gipagawas nga suporta ang pagpataas sa air-to-air refueling alang sa mga operasyon batok sa mga rebelde nga Houthi sa Yemen.
Gumikan niini, gilaumang mas mapalig-on pa ang seguridad ug depensa sa Middle East taliwala sa padayon nga tensyon sa rehiyon.
Gani, nagpabilin ang hugot nga pagbantay sa internasyonal nga komunidad sa maong lakang sa panggamhanan sa Britain.-
