Nagpadayon sa pagbantay ang Philippine Atmospheric, Geophysical and Astronomical Services Administration (PAGASA) sa Bagyong Rosal human kini namatikdan nga anaa sa 420 kilometro sa amihanan sa Itbayat, Batanes ug naglihok paingon sa habagatan-kasadpan sa tulin nga 10 kilometro matag oras.
Ang bagyo nagdala sa kinatas-ang kusog sa hangin nga 150 kilometro matag oras duol sa sentro ug pagbugso nga nakaabot sa 185 kilometro matag oras.
Sumala sa forecast, gilauman nga moabot kini sa 625 kilometro sa amihanan sa Itbayat sa hapon sa Oktubre 24 ug mopadayon sa paggawas sa Philippine Area of Responsibility (PAR).
Ang mata sa bagyo anaa na kini sa 845 kilometro sa amihanan-sidlakang bahin sa Hilagang Luzon pag-abot sa alas 2:00 buntag sa Oktubre 25 samtang nagpadayon sa paggawas Philippine Area of Responsibility (PAR).
Gipahimangnoan usab ang mga residente sa Batanes tungod kay kini lamang ang lugar nga ubos sa Tropical Cyclone Wind Signal 1 nga gipatuman tungod sa bagyong Rosal
Bisan pa sa pagpalayo sa bagyo gikan sa kayutaan sa Pilipinas, posible gihapon nga makasinati ang maong lalawigan og kusog nga hangin ug mapintas nga kahimtang sa dagat.
Giawhag sa mga awtoridad ang mga mangingisda ug gagmayng sakayan nga magmatngon ug likayan ang paglawig kon delikado ang panahon.
Gitambagan usab ang publiko nga magpadayon sa pagsubay sa mga opisyal nga weather bulletin alang sa pinakabag-ong impormasyon ug mga pasidaan mahitungod sa bagyo.
