Gihatagan og gibug-aton ni Defense Secretary Gilberto C. Teodoro Jr. ang panginahanglan sa padalion ang mga lakang aron mapanalipdan ang teritoryo ug soberanya sa Pilipinas.
Atol sa ika-28 nga anibersaryo sa Philippine Military Academy (PMA), giaghat ni Teodoro ang mga kawani nga magpabiling nakatutok sa ilang katungdanan ug magbaton og tin-aw nga katuyoan, ilabi na sa hisgutanan sa nasudnong seguridad.
Matud ni Teodoro, kinahanglang mas padalion ang lihok ug mga lakang aron masiguro nga dili mabilin sa mas lisud nga kahimtang ang mosunod nga henerasyon.
Dugtong niini, giawhag ni Teodoro pag-usab ang tanan nga motutok sa ilang katungdanan nga dunay kahibalo sa ilang katuyoan tungod kay matud pa ang mas lawom nga pagsabot sa ilang katuyoan kay maghatag kanila og tinuod nga kaaghat sa pagtuman sa ilang katungdanan. (raniel mahunyag)
