Gipadayon sa Philadelphia 76ers ang ilang walay pildi nga pagsugod sa NBA season human niini gipildi ang Milwaukee Bucks, sa iskor nga 127–116, aron mosaka sa 3–0 nga rekord sa Eastern Conference.
Sa maong dula kay nanguna si Joel Embiid nga adunay 28 puntos, 11 rebounds ug 10 assists, samtang nakatampo si Jaylen Brown og 27 puntos ug si Tyrese Maxey og 26 puntos.
Sa laing duwa, nakuha sa San Antonio Spurs ang ilang unang kadaugan sa season human niini gipildi ang Dallas Mavericks, sa iskor nga 122–106, samtang gipadayon usab sa Houston Rockets ang ilang walay pildi nga rekord pinaagi sa 121–114 nga kadaugan batok sa Atlanta Hawks, diin nagtala si Kevin Durant og 22 puntos.
Samtang, napildi ang Miami Heat sa Charlotte Hornets, sa iskor nga 110–115, nga nagbilin sa Miami sa 0–3 nga rekord sa pagsugod sa season. (raniel mahunyag)
