Gisugyot ni Senador Panfilo “Ping” Lacson nga magpabiling naka-livestream ang pagdungog sa bicameral conference committee bisan pa nga gisuspenso ang sesyon aron malikayan ang mga kwestiyonableng panaghisgut ug negosasyon sa likod sa camera samtang gisusi ang sugyot nga 2027 national budget.
Matud ni Lacson, mahinungdanon nga makita sa publiko ang mga gakahitabo sa bicameral conference committee o bicam, diin gasabutan sa mga representante sa Senado ug House of Representatives ang ilang tagsa-tagsa ka bersiyon sa sugyot nga nasudnong pundo.
Dugang pa sa Senador, niadtong miaging tuig kay dunay nahitabong daghang pagsuspenso sa mga pagdungog sa bicam, diin mahimong maghisgut sa pribado ang mga magbabalaod, sa suok nga dili maabot sa kamera.
Gawas sa pagpadayon sa pag-livestream, gipanawagan usab ni Lacson nga kunhoran ang daghang suspensyon sa bicam tungod kay mahimo kining magamit sa mga panaghisgut nga dili mabantayan sa publiko. (raniel mahunyag)
