Giisa sa Stop Corruption Alliance ang panawagan ngadto sa publiko ug mga kabatan-onan nga dili gyud mosurender taliwala sa lalom nga pagkadunot sa sistema sa gobyerno.
Gitin-aw ni Stop Corruption Alliance Convenor Elmer Jon Mupas nga kinahanglan ang padayong panaghiusa, pag-organisa sa mga grupo, ug pagpataas sa edukasyon sa katawhan gawas sa panahon sa eleksyon aron bungkagon ang political patronage ug mga kickback sa mga proyekto.
Gidugang sa opisyal nga dili usab igo ang basta pagbotar lamang sanglit kasagarang naghari sa matag piniliay mao ang kwarta sa mga adunahang sponsor.
Busa, nanawagan ang grupo sa tibuok komunidad nga magmatinguhaon sa pagpatingog ug pagpresyur sa gobyerno aron mapriso ug mapatubag ang tanang corrupt nga opisyal sa nasud
