Gikasa na sa City Environment and Natural Resources Office ang mga preparasyon sa City Memorial Park subay sa Executive Order 497-2026 nga naglatid sa mga giya alang sa Ligtas Undas 2026 sa dakbayan.
Gibutyag ni CLENRO Manager Engr. Bing Mabilen nga sugod pa sa ulahing semana sa Oktubre gihimo ang pagpangandam ug paglimpyo sa maong pampublikong sementeryo subay sa maong mga patakaran sa syudad.
Dugtong pa sa opisyal, gawas sa pangkatibuk-ang patakaran sa dakbayan, aduna usab gipatuman nga mga espesipikong protocol nga alang ra sa sulod sa maong memorial park.
Busa, nanawagan ang buhatan sa mga pamilyang mobisita nga magmatngon ug mosunod sa gipagawas nga mga lagda alang sa hapsay nga pag-obserbar sa Kalag-Kalag.
