Hibaloi ang bilyon-bilyon nga Marcos China investment pledges nga makamugna og liboan ka trabaho. Basaha ang detalye sa pagbisita ni Presidente Marcos sa China.

Nag-uli si Presidente Ferdinand marcos Jr. nga adunay binilyon nga investment pledges gikan sa iyang pagbisita sa Shenzhen, China, diin posible kining makamugna og kapin sa 7,000 ka trabaho alang sa mga Pilipino.

Matud ni Marcos, nakigpulong siya sa pipila ka dagkong kompanya sa China aron dasigon sila nga mamuhunan ug palapdan ang ilang operasyon sa Pilipinas.

Lakip sa mga gihisgutan ang pagtukod og production facility sa C&U Group sa Batangas, pagpalapad sa operasyon sa BYD sa nasud, ug ang mga plano sa pagpamuhunan sa Ming Yang Smart Energy Group sa offshore wind energy.

Mitambong usab ang Presidente sa 33rd APEC Economic Leaders’ Meeting, diin iyang giduso ang patas nga pamatigayon, seguridad sa supply chains, digital economy, ug pagpalapad sa oportunidad alang sa mga mamumuong Pilipino.

Samtang, gipirmahan usab sa Pilipinas ug Chile ang Comprehensive Economic Partnership Agreement (CEPA), ang pinakaunang bilateral free trade agreement sa Pilipinas sa usa ka nasud sa Latin America.

Matud ni Marcos, tumong niini nga mga kasabutan nga magbukas og bag-ong merkado, makadani og dugang pagpamuhunan, mapalig-on ang lokal nga industriya, ug makamugna og mas daghang de-kalidad nga trabaho alang sa mga Pilipino. (raniel mahunyag)