
Gipasiugda ni Philippine Ambassador to the United States Jose Manuel Romualdez ang kamahinungdanon sa lig-on nga personal nga relasyon nila ni Presidente Ferdinand Marcos Jr. ug US President Donald Trump sa pagpalig-on sa bilateral relations sa Pilipinas ug Estados Unidos.
Matud ni Romualdez, mahinungdanon ang pagbisita ni Trump sa Pilipinas aron mapakita ang padayon nga pakiglambigit ug interes sa Estados Unidos sa rehiyon sa Southeast Asia.
Gilauman usab nga ang ilang bilateral meeting magpalig-on sa kooperasyon sa duha ka nasud, ilabina sa depensa ug seguridad, pamatigayon, pamuhunan, ug digital nga ekonomiya. (raniel mahunyag)






