Hulagway ni Sen Bato ug pamilya nga mikatag sa socmed, karaan na – PNP

Gitin-aw ni PCol. Allen Rae Co, hepe sa Public Information Office sa Philippine National Police (PNP), nga ang hulagway ni Ronald “Bato” dela Rosa nga mikaylap sa social media usa ka karaan nga litrato ug kapin tulo ka tuig na ang kagulangon niini.

Gipasabot sa opisyal nga dili kini bag-o nga retrato ug wala kini kalabotan sa kasamtangang mga panghitabo nga nalambigit sa senador.

Gipahimangnoan sa PNP ang publiko nga magmatngon sa pagtan-aw ug pagpaambit sa mga hulagway nga walay klarong konteksto o pagmatuod.

Gidasig sa kapulisan ang mga netizen nga susihon pag-ayo ang gigikanan sa impormasyon aron malikayan ang pagkatag sa sayop nga mga balita ug impresyon.

Gipalanog sa opisyal ang responsable nga paggamit sa social media maoy importante aron mapugngan ang kalibog ug disimpormasyon sa publiko.