Gihagit ni Presidential Communications Office Undersecretary Claire Castro ang ang han-ay sa kapulisan sa nasud nga ipatuman ang warrant of arrest batok sa gatago-gatagong si Senador Ronald “Bato” dela Rosa.
Gihatagan og gibug-aton ni Castro nga katungdanan sa Philippine National Police (PNP) nga ipatuman ang balaod ug sundon ang mag legal nga mga kamanduan nga nahisubay sa konstitusyon.
Sunod kini sa pangutanan kung unsaon pagsiguro sa Malacañang ang pagkamatinud-anon ni PNP Chief General Nartatez Jr. sa Republika, bisan pa nga susama sila ni Senador dela Rosa nga migradwar sa Philippine Military Academy (PMA).
Matud ni Castro, dili angay nga mahimong babag sa pagsikop kang dela Rosa ang kaniadtong posisyon niini isip PNP Chief o ang ilang kapunongan sa PMA, ilabi nga dunay bisa ang warrant of arrest batok sa senador.
Gipadayag usab ni Castro ang pagsalig sa Malacañang nga unahon ni General Nartatez Jr. ang iyang katungdanan sa Republika, inay personal nga pakighigala o pakig-alyado sa bisan kinsang angayng dakpon.
Dugtong niini, gihatagan usab og gibug-aton ni Castro nga hagit kini sa pamunuan sa DILG ug PNP nga pamatud-an ang ilang katakus nga ipatuman ang balaod ug tumanon ang ilang mandato. (raniel mahunyag)
