Gipasalig ni Palace Press Officer ug Presidential Communications Office Undersecretary Claire Castro nga dili maapektuhan sa gipagawas nga pahayag sa China ang pagtambong sa mga lider sa ASEAN sa Leaders Summit karong bulan sa Nobyembre.
Matud ni Castro, padayong nakigkoordinar ang Pilipinas ngadto sa mga miyembro sa ASEAN ug uban pang mga nasud nga mosalmot sa maong panagtigum.
Dugtong niini, galaum usab ang Malacañang nga motambong si Chinese President Xi Jinping tungod kay mahimo kining higayon aron mahisgutan ug maresolba ang mga isyu sa rehiyon ug mga naglungtad nga tensiyon. (raniel mahunyag)
