Giseguro sa Malacañang nga nag-andam na daan ang gobyerno alang sa posibleng epekto sa Super El Niño nga gilauman nga makaapekto sa nagkalain-laing bahin sa nasud.
Maoy gitutukan sa administrasyon ang mga preventive measures ug mga contingency plan aron maminusan ang epekto sa hulaw ilabina sa sektor sa agrikultura.
Una niini, nagpahimangno ang mga otoridad sa Cagayan Valley kalabot sa posibleng grabeng epekto sa hulaw, gumikan sa kataas sa temperatura.
Gipalig-on usab sa gobyerno ang koordinasyon sa mga ahensya aron masiguro ang igo nga suplay sa tubig ug suporta sa mga apektadong komunidad ug mag-uuma.
Hisayran nga gipalihok na ang nagkalain-laing programa alang sa mitigation ug adaptation isip kabahin sa pag-andam sa nasud batok sa gilaumang epekto sa weather phenomenon.
