Gipanugurado ni Ferdinand Marcos Jr. nga padayon nga palig-onon sa gobyerno ang pagpangita ug pagpalambo sa kaugalingong tinubdan sa enerhiya aron matubag ang nagkadakong panginahanglan sa nasud.
Una niini, gipanghinambog sa pangulo nga ubos sa iyang administrasyon, nakahatag na ang gobyerno og 14 ka bag-ong kontrata alang sa eksplorasyon sa lana, natural gas ug katutubong hydrogen.
Gitumbok sa presidente ang mga bag-ong Malampaya wells gilauman nga makatampo sa mas lig-on ug masaligan nga suplay sa enerhiya sa umaabot.
Gipakita usab sa administrasyon ang polisiya nga unahon ang paggamit sa lokal nga natural gas imbis magsalig pag-ayo sa imported nga suplay.
