Usec. Castri, gipamugos nga ang pagpang-apod-apod sa kasamtangang administrasyon sa mga pondo ug hinabang ngadto sa mga LGU kay walay gipihigan

Gipamugos ni Palace Press Officer ug Presidential Communications Office Undersecretary Claire Castro nga walay gipihigan ang kasamtangang administrasyon sa pagpang-apod-apod sa pondo ug tabang pinansyal ngadto sa mga lokal nga kagamhanan o Local Government Units (LGU).

Mao kini ang gipadayag ni Castro human sa pangutana bahin sa masulti sa palasyo sa pag-ila sa pipila ka LGU nga mas paspas ang pagpagawas og pondo alang sa ilang ginsakpan.

Matud ni Castro, mabati sa mga lokal nga lider ang patas nga pagtan-aw ni Presidente Ferdinand Marcos Jr. sa matag rehiyon, probinsya, ug barangay.

Gihatagan usab og gibug-aton ni Castro ang direktiba sa Presidente nga sigurohong makaabot ang tabang ug hinabang ngadto sa mga tinuod nga benipisyaryo, inay nga sagulan kini og pagpamulitika. (raniel mahunyag)