Misaad matud pa si House Speaker Bojie Dy ipagawas ngadto sa publiko ang mga dokumento sa nasudnong badyet ug kamara human niini makigpulong sa People’s Budget Coalition (PBC) aron tukion ang mga reporma nga magsiguro sa transparency ug aron usab malikayan ang bag-ong flood control scandal.
Nakipagpulong si People’s Budget Coalition co-convenor Ken Abante kang Dy niadtong Nobyembre 4 ning tuiga.
Sumala sa grupo, tinguha sa pag-abli sa mga budget document nga mahatagan ang civil society organizationsd ug publiko og higayon nga masusi kung asa napadulong ang pondo sa nasud.
Gisiguro matud pa ni Dy nga dili niya tugotang mahitabo pag-usab ang flood control scandal ubos sa iyang pagpangulo.
Mipahayag usab ang PBC nga padayon nilang bantayan kung tumanon ba sa speaker ang iyang mga gisaad.
Mahinumdoman nga una nang nataho ang matud pa red flags sa national budget nga nakita sa People’s Budget Coalition nga ilang gipresenta sa Senado. (raniel mahunyag)
