Napakyas si Filipina tennis star Alexandra “Alex” Eala sa pagsakmit sa iyang ikaduhang WTA title human siya mapildi sa Amerikana nga si Claire Liu, nga ika-102 sa kalibotan, sa final sa 2026 Hong Kong Open karong Domingo, Nobyembre 8, sa iskor nga 6-3, 6-0.
Sikit ang panagsangka sa pagsugod sa unang set, apan human mikuha si Eala og medical timeout samtang nag-ung-ong sa 3-4, nakadaog si Liu sa sunod nga walo ka duwa aron masiguro ang kampeonato.
Kini ang ikaduhang sunod-sunod nga pagdaog ni Liu batok kang Eala, human usab niya gipildi ang Filipina sa ilang unang panag-atbang sa 2025 Guangzhou Open.
Bisan pa sa pagkapildi sa finals sa Hong Kong Open, nakatapos gihapon si Eala og usa ka malampusong kampanya karong tuig sa 2026, diin nakab-ot niya ang career-high nga ranggo, ang iyang unang WTA 500 title sa Mubadala Citi DC Open ug ang ikaduhang WTA 125 title sa Birmingham Open. (raniel mahunyag)
