Gibadlong ni Senator-judge Bam Aquino ang paagi sa pagtubag ni Davao City Accountant ug defense witness Vingelin Bajan sa mga pangutana sa mga senator-judges nga daw naglikay ang testigo nga maghatag og tin-aw nga tubag sa mga gipangutana kaniya.
Nahimong sentro sa pagpangutana ni Aquino ang nahimong trabaho ni Bajan isip partner sa usa ka auditing firm ug sa diha gipangutana kini kung nakadawat siya og sweldo niadtong kabahin pa siya sa maong kompanya kay mitubag kini nga wala siyay mahinumdoman.
Tungod niini, gipahimangnoan ni Aquino si Bajan nga delikado ang ingon niini paagi sa pagtubag sa mga pangutana ubos sa ilang gipanumpaan isip testigo.
“You’re in dangerous territory,” mao kini ang gipadayag sa senador dungan sa iyang pagbadlong sa daw pagka-evasive ni Bajan sa paghatag og katin-awan sa mga impormasyon nga angayan niyang mahibal-an isip accountant. (raniel mahunyag)
