Gikumpirma ni Davao City Accountant Vingelin Bajan nga natala sa 2022 Commission on Audit (COA) report ang 938,512 pesos isip kinatibuk-ang compensation ni Vice President Sara Duterte niadtong alkalde pa kini sa Davao City.
Bisan pa niana, gipatin-aw ni Bajan nga gross amount pa lamang kini ug wala pa ma-deduct ang mga adlaw nga wala musulod sa trabaho si Duterte o ang iyang mga leave without pay.
Atol sa cross-examination ni House Private Prosecutor Atty. Mae Divinagracia, gibutyag ni Bajan nga ang maong computation kay naggikan sa Human Resource Management Office (HRMO) ug gibase kini sa binulan nga suholan sa kanhi alkalde nga gi-multiply sa 12 ka bulan.
Mahinumdoman nga lakip sa Article II sa impeachment complaint batok sa Bise Presidente ang mga alegasyon mahitungod sa unexplained wealth ug dili hustong deklarasyon sa iyang kabtangan ug kita. (raniel mahunyag)
