Wala na nakapugong si senator-judge Raffy Tulfo sa nagsunod nga mga tubag nga “I do not know” sa defense witness nga si Atty. Suzette Balucanag-Punay sa nagpadayong impeachment trial ni Vice President Sara Duterte niadtong Miyerkules.
Gikuwestiyon ni Tulfo atol sa iyang pagpangutana kung ngano wala nakapangandam ug nakahimo og igo nga research ang testigo ayha kini miatubang sa Senado, ilabi na nga usa kini ka abogado nga dunay 15 ka tuig nga kasinatian ug matud pa usa usab ka accountant.
Matud ni Balucanag-Punay, gibuhat niya ang pagpangita sa mga dokumentong makapamatuod sa impormasyon nga gipangayo kaniya, apan wala siyay nakitang kasaligang rekord nga mamahimo niyang ipresenta.
Bisan pa niana, wala gihapon makombinsir si Tulfo sa maong tubag ug gipamugos niini nga dili igo ang kanunayng pagbalik-balik og pagsulti nga wala kini kahibalo sa tubag sa mga pangutana. (raniel mahunyag)
