Gikuwestiyon ni Senator-judge Erwin Tulfo ang kalit nga pagsaka sa sales sa Gencorp Industries Inc. human mahimong Bise Presidente si Sara Duterte, atol sa iyang pagpangutana niini sa testigo sa depensa nga si Atty. Suzette Balucanag-Punay sa impeachment trial karong Miyerkules, Nobyembre 11.
Matud ni Tulfo, gikan sa gibana-banang 28 milyon pesos nga sales niadtong tuig sa 2021, miabot matud pa sa 300 milyon ang sales sa kompanya, ayha kini midako sa halos 1 billion pesos ang sales niini niadtong 2022 hangtud sa 2024.
Tungod niini, gikuwestiyon sa senador kung unsa ang produktong nabaligya sa Gencorp aron kalit nga modako ang kita niini ug kung dunay posibleng conflict of interest sa pagsaka sa sales dungan sa pagpangatungdanan ni Duterte isip Bise Presidente.
Isip tubag, gipatin-aw ni Balucanag-Punay nga dunay lima ka branch ang Gencorp mug dungan sa pagdaghan sa Jollibee store nga giserbisyohan sa kompanya kay misaka usab ang ilang income. (raniel mahunyag)
