Subli mitigbabaw ang tensiyon sa Ukraine human sa bag-ong opensiba sa pwersang Ruso nga nakapatay sa tulo ka sibilyan sa mga siyudad sa Zaporizhzhia ug Odesa. Sumala sa mga opisyal sa rehiyon, usa ka tawo ang namatay ug kapin sa 50 ang nasamdan sa pag-atake sa Zaporizhzhia, samtang duha pa ka tawo ang namatay sa Odesa.
Naigo sa airstrike ang lima ka andana nga apartment building sa Zaporizhzhia nga grabeng nadaot sa pagbomba.
Matod sa gobernador sa rehiyon nga si Mykhailo Semikin, usa ka responder sa rescue operation ang namatay human matumpagan sa nahugno nga konkretong bahin samtang naghinlo sa mga kagun-oban. Namatay usab ang duha ka residente sa Odesa human maigo ang ilang pribadong pinuy-anan sa gihapong pag-atake.
Lima pa ka tawo ang nasamdan, lakip ang duha nga anaa sa kritikal nga kahimtang, sumala sa mga lokal nga opisyal militar. Nagpadayon ang pagbinayloay sa akusasyon tali sa Russia ug Ukraine, diin ang duha ka panig nagdumili nga sila nagpunting sa mga sibilyan sa kapin upat ka tuig nga gubat.
Ang Reuters wala makakumpirma sa independente nga paagi sa mga ulat gikan sa mga opisyal sa duha ka lugar
