Trump Out ang kusganong singgit sa League of Filipino Students taliwala sa nagkaduol nga pag abot ni US President Donald Trump sa Pilipinas alang sa ASEAN Summit.
Gipadayag ni League of Filipino Students National Vice Chairperson Summer Libelle Espiritu nga dili angay dawaton sa nasud ang lider sa Estados Unidos tungod sa tulo ka dagkong rason nga naglakip sa pagduso niini sa proyektong Pax Silica nga giingong mangilog sa yuta, tubig, ug enerhiya sa mga Pilipino.
Ikaduhang rason nga gibutyag ni Espiritu mao ang pagkalambigit matud pa ni Trump sa mga giyera sa gawas sa nasud sama sa Palestine, Iran, ug Lebanon nga mikalas sa kinabuhi sa daghang mga sibilyan.
Ikatulo nga gihatagan og gibug aton sa grupo mao ang pagsaka sa presyo sa lana dinhi sa Pilipinas nga giingong resulta sa padayon nga kagubot ug panghilabot sa administrasyon ni Trump sa ubang mga nasud.
