
Gipanalipdan sa Department of Foreign Affairs (DFA) ang mga katungod sa mga third-party countries ubos sa gihisgutang Code of Conduct (COC) sa South China Sea.
Giklaro ni DFA Secretary Ma. Theresa Lazaro nga sukad pa sa pagsugod sa negosasyon, posisyon na sa Pilipinas nga kinahanglan mapreserbar ug mapanalipdan ang mga katungod sa mga nasod nga dili miyembro sa ASEAN.
Gipahayag niya nga ang maong prinsipyo kabahin sa mga gihisgutan aron masiguro ang patas ug inklusibong pagpatuman sa kasabotan.
Gitubag usab ni Lazaro ang kabalaka mahitungod sa kahimtang sa non-ASEAN countries pinaagi sa pagpasalig nga ilang mga katungod dili mahimong malimod ubos sa COC.
Gipasalig sa DFA nga magpadayon ang Pilipinas sa pagbarug alang sa pagtahod sa internasyonal nga balaod ug sa mga lehitimong katungod sa tanang nasod nga apektado sa South China Sea.


