DOLE mitabang sa 110 ka vendors ug trabahante sa Pasay pinaagi sa TUPAD program atol sa ASEAN Summit. Hibal-i kung giunsa sila gitabangan.

Mitabang ang Department of Labor and Employment (DOLE) pinaagi sa Tulong Panghanapbuhay sa Ating Disadvantaged/Displaced Workers (TUPAD) program alang sa mga trabahante ug gagmay’ng negosyante nga naapektuhan sa mga security restriction atol sa ASEAN Summit.

Gibutyag ni DOLE-NCR Regional Director Roy Buenafe nga 110 ka indibidwal ang ilang natabangan aron adunay alternatibong kita samtang gidid-an sila sa pagbaligya ug paghimo sa ilang naandang panginabuhian sa maong mga lugar.

Gipahigayon usab sa ahensya ang nagkalainlaing pagbansay sama sa switchboard operation, 5S practices, ug customer service aron mapalambo ang ilang kahibalo ug kapasidad sa trabaho. Una niini, gihatagan sa temporaryong suporta pinansyal ang mga apektadong vendors ug mga mamumuo aron dili hingpit nga mawala ang ilang kita sa tibuok gidugayon sa summit.

Gipasalig sa DOLE nga magpadayon ang ilang mga interbensyon bisan pa man makabalik na ang mga benepisyaryo sa ilang naandang panginabuhian human sa ASEAN Summit.