Gikwestyon ni kanhi Cagayan de Oro City Mayor Atty. Oscar Moreno ang kredibilidad sa pipila ka mga testigo nga gipaatubang sa kampo sa depensa sa impeachment trial batok kang Bise Presidente Sara Duterte.
Gibutyag ni Moreno nga adunay klarong mga buslot ug suliran sa mga pamahayag sa assessor sa Davao, assessor sa Samal, City Accountant, ug ni Atty. Suzette Balucanag Punay atol sa mga pagdungog.
Gidugang sa abogado nga ang kakuwang og klarong tubag sa mga testigo sa depensa nakapahuyang sa ilang baruganan atubangan sa impeachment court.
Matud ni Moreno, importante sa usa ka husay nga lig-on ug magkatakdo ang mga tubag sa mga testigo aron dili magduda ang mga senator judges sa tinuod nga dagan sa mga transaksyon











