Gibasol sa August Twenty One Movement ang administrasyon ni United States President Donald Trump sa grabeng pagsaka sa presyo sa produktong petrolyo nga miabot na sa 100 pesos matag litro dinhi sa nasud.
Hait nga gipadayag sa lider sa grupo nga si Volt Bohol nga ang giyera sa Middle East nga gisugdan sa lider sa Amerika maoy direktang hinungdan sa kalit nga pagmahal sa gasolina ug krudo nga nagpasamot sa kalisod sa katawhan.
Gitumbok ni Bohol nga sa unang higayon sa kasaysayan, naglisod na ang mga gasolinahan sa pagbutang og presyo tungod kay tulo na ka numero ang kantidad niini imbes nga duha lang.
Matud sa grupo, klaro nga naapektuhan ang panginabuhian sa matag Pilipino tungod sa mga lakang sa langyawng lider rason nga dili gyud kini welcome sa Pilipinas.










