Nagpasidaan ang Philippine Movement for Climate Justice Mindanao nga mosamot ang krisis sa tubig sa nasud tungod kay gibanabanang 90 milyones ka litro sa tubig matag adlaw ang gikinahanglan sa proyektong Pax Silica.

Sumala kang Philippine Movement for Climate Justice Mindanao Policy and Communications Officer Pat Jared Pangantihon, base sa datos sa Bases Conversion and Development Authority, ang maong gidaghanon susama sa 3.75 milyones ka dagkong balde sa tubig kada adlaw alang lamang sa pagpabugnaw sa data center ug pagproseso sa mga materyales.

Gipunting ni Pangantihon nga makalilisang kini nga numero ilabi na nga nag atubang ang nasud sa El Niño ug naglisod na gani sa suplay sa tubig ang daghang lugar sama sa dakbayan sa Cagayan de Oro ug lungsod sa Libona.

Dugtong sa opisyal sa grupo nga angay unang sulbaron sa gobyerno ang nagkagrabeng problema sa tubig sa mga Pilipino imbes nga magpasulod og mga langyawng proyekto nga makadugang sa kalisod sa katawhan..