Trump, Putin, ug Xi nagpahigayon og trilateral summit sa China aron hisgotan ang Internasyonal nga Seguridad, kalig-on sa enerhiya, ug mga risgo sa armas nukleyar. Basaha ang ilang hiniusang deklarasyon.

Nagpahigayon sa ilang unang trilateral summit si United States President Donald Trump, Russian President Vladimir Putin ug Chinese President Xi Jinping sa Shenzhen, China, niadtong Huwebes, Nobyembre 19, atol sa Asia-Pacific Economic Cooperation (APEC) Summit.

Milungtad og kapin sa usa ka oras ang ilang panagtigom, diin gihisgotan ang internasyonal nga seguridad, kalig-on sa enerhiya ug mga risgo nga may kalabotan sa mga armas nukleyar.

Sa ilang hiniusang deklarasyon, nagpahayag ang tulo ka lider sa ilang pasalig nga palig-onon ang United Nations, dugangan ang produksiyon ug suplay sa mga produktong petrolyo nga naproseso, ug respetohon ang soberanya ug imyunidad sa mga opisyal sa estado.

Gikumpirma usab nila nga dili madaug ang gubat nukleyar ug dili gayod kini angay pakigbisogan, samtang miuyon sila nga magpadayon sa panaghisgot aron mamenosan ang mga risgo sa armas nukleyar ug mapugngan ang pagdaghan niini. (raniel mahunyag)