Walay gipili ang problema sa addiction ug mahimo kini makaapekto sa bisan kinsa sa katilingban.
Sumala ni Percival Batar, Program Director sa Journey Home ang addiction giisip nga usa ka demokratikong sakit tungod kay lalaki man o babaye, batan-on o tigulang, posibleng mabiktima niini.
Dugang pa niya, dili lamang limitado sa paggamit og ilegal nga droga ang maong problema kundili apil usab ang nagkadaghan nga kaso sa online gambling ug uban pang porma sa pagkaadik.
Gipatin-aw usab ni Batar nga bisan mas ubos ang posibilidad sa kababayen-an nga maadik, dili kini nagpasabot nga luwas sila sa maong sitwasyon.
Busa, gidasig ang publiko nga masabtan ang komplikadong kinaiya sa addiction ug mangita og hustong tabang aron malikayan ang mas grabeng epekto niini sa pamilya ug komunidad. (by James Oliver)
