CAGAYAN DE ORO CITY-Gikompirmar ni Armed Forces of the Philippines Western Mindanao Command spokesperson Lt Col Jerry Bersana nga ilang gibantayan ang mga paryente sa mga nailang supporters sa Maute-ISIS sa Lanao del Sur.
Kini human ilang masikop ang siyam ka suporters sa teroristang Maute-ISIS.
Matud ni Bersana nga anaa lamang sa 30 hangtud 40 ka terorista ang ilang gilakag sa pagpangulo ni Benito Marahomsar alyas Abu Dar apan posible kining madugangan tungod sa suporta sa ilang mga pamilya.
Nagtoo si Bersana nga matapos lamang ang hulga sa terorismo sa Lanao del Sur pinaagi sa tabang ug kooperasyon sa mga residente.
Siya miingon nga mawala lamang ang mga bandido sa maong lugar kon mosuporta ug anaa ang koordinasyon sa mga katawhan sa militar.
Dili molahutay ang mga terorista kon mosuporta ang mga residente sa ilang panawagan.
