CAGAYAN DE ORO CITY- Patay ang akusado sa kasong murder samtang gikan nagtambong sa court hearing sa syudad sa Malaybalay,Bukidnon.
Kini human pusila sa motorcycle in tandem suspectsa ang biktima nga si Albert Martisano,43 anyos,minyo ug nagpuyo sa Brgy Sinoda,Kitaotao,Bukidnon.
Sumala ni Malaybalay City Police Office commander Police Lt Col Al Abanales nga gikan mihapit sa merkado ang biktima kuyog ang iyang asawa gikan sa case hearing sa dihang kalit gipusil sa wala mailang mga suspek gamit ang wala matino nga kalibre sa armas.
Dead on the spot ang biktima tungod sa naangkon niining mga igo sa lawas gikan sa mga suspek kagahapon sa buntag.
Gitoohan ni Abanales nga may kalabutan sa iyang kasong giatubang ug pagdumot ang kabahin sa motibo sa kamatayon sa biktima.
