CAGAYAN DE ORO CITY-Nasikop sa mga personahe sa Puerto Police Station sa pagpangulo ni Station Commander Police Capt. Mario Mantala Jr ang alagad sa simbahan ug nagpailang miyembro sa Philippine Military Intelligence Group tungod sa paglugos niini sa iyang kaugalingong anak sa zone 2 Brgy Agusan ning syudad.
Giila ang suspek nga si Gilbert Llanora, hingkod ang panuigon ug residente sa maong dapit.
Gibutyag ni Mantala nga midangop sa ilang buhatan ang 13-anyos nga biktimang babaye aron pagsumbong sa hinimuan sa iyang amahan.
Matud ni Mantalla nga sa ilang pagresponde ilang nakita ang suspek nga naka tak-in sa 357 nga kalibre sa armas apan hinoon wala kini misulay pagsukol.
Dugtong pa sa maong police official nga gipahimuslan sa amahan ang iyang anak sukad sa pag edad niinig 8-anyos hangtud karon nga 13-anyos na kini.
Naaghat matud pa ang suspek paglugos sa kapin kon kulang 50 ka higayon sa iyang anak tungod sa gibating kamingaw sa iyang asawa nga toa sa abroad.
