“Good strategy” ang pagdumili ni Vice Presidente Sara Duterte sa pagtambong sa upat ka clarificatory hearings sa House Committee on Justice.
Opinyon kini ni Atty Raymund Batu, ang legal counsel sa DDS SARA FOR ALL CONFEDERATION.
Nagtoo si Atty Batu nga gatulo nang laway sa mga magbababalaod aron siya gisahon sa ilang hearing nga unang miangkon ni Justice Committee chairman Gerville Luistro nga muhimo silag mini trial.
Alang kang atty Batu, tataw nga usa ka “trap” ang pagpatambong kaniya, busa sakto ra pud nga wala niya kini tungahi ug mas gipili ang mag serbisyo sa katawhan inay magpagisa sa iyang kaugalingong mantika sa mini trial ni Luistro.
Hisayran nga common knowledge na sa katawhan nga walay makuhang hustisya si VP Sara sa maong hearing kay expected na daan nga ipagawas nila ang probable case bisan wala silay bug-at nga basihan ug mga ebidensya.
